Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-ǵa psıhotroptyq zattardy jetkizýmen aınalysqan pavlodarlyq ustaldy

2021 jyldyń 12 qazan 2021 03:38

ÓSKEMEN. QazAqparat – Shyǵys Qazaqstan oblysy aýmaǵyna psıhotroptyq zattardy jetkizýmen aınalysqan pavlodarlyq ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary «Qarasora-2021» jedel aldyn alý sharasy barysynda Óskemenge psıhotroptyq zattardy jetkizýmen aınalysqan er adamdy ustady.

«29 jastaǵy jigit jeńil paıda tabý maqsatynda psıhotroptyq zattardy ǵalamtor arqyly saýdalap, kelisilgen jerlerge qoıyp ketip júrgen. Tintý kezinde onyń ish kıiminen kók tústi ızolentaǵa oralǵan 41 túıinshek tabyldy. Saraptama qorytyndysyna sáıkes, bul jalpy salmaǵy 23,241 gramdy quraıtyn «pırrolıdınalerofenon» atty psıhotroptyq zat bolyp shyqty», - dedi oblystyq PD bastyǵy Saǵat Mádıev.

Qazirgi ýaqytta kúdikti ýaqytsha ustaý ızolıatoryna qamaýǵa alynǵan. Belgili bolǵandaı, er adam psıhotroptyq zattardy saýdalaý úshin Óskemenge Pavlodar qalasynan kelip, jaldamaly páterde turǵan.

Atalǵan fakti boıynsha QR Qylmystyq Kodeksiniń 297-baby 3-bóligi 1,3,5-tarmaqtary boıynsha sotqa deıingi tergeý amaldary bastaldy.


Joǵary qaraı