Aýa raıy
Astana 9 °S
Almaty 19 °S
valıýta baǵamy
USD 421.58
EUR 496.83
RUB 5.53
CNY 62.20

ShQO energetıkteri aýrýhanalarǵa gýmanıtarlyq kómek kórsetti

2020 jyldyń 13 tamyz 2020 15:37

ÓSKEMEN. QazAqparat – Shyǵys Qazaqstan oblysynyń energetıkteri koronavırýs pandemııasy kezinde medıtsına qyzmetkerlerine qoldaý kórsetti, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, «Shyǵys Qazaqstan AEK» AQ men «Shyǵysenergotreıd» JShS birlesip oblys aýrýhanalaryna jeke qorǵanys quraldaryn tabys etti. Jalpy salmaǵy 200 keli bolatyn gýmanıtarlyq kómek ishinde 400 halat, 18500 medıtsınalyq maska, 50 dana qorǵanys ekrany bar.

«Qazirgi qıyn jaǵdaıda koronavırýs indetimen kúresip jatqan densaýlyq saqtaý salasynyń qyzmetkerlerine qoldaý kórsetý tek memlekettiń ǵana emes, qoǵamnyń da mindeti. Biz olardyń jumysyna alǵys bildire otyryp, osy gýmanıtarlyq kómekti tabys etip otyrmyz», – dedi «ShQ AEK» AQ Basqarma tóraǵasy Erlan Maqanov.

Atalmysh kómek jýyq arada Shyǵys Qazaqstannyń aýrýhanalaryna taratylatyn bolady.





Joǵary qaraı