Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO ekologtary sý qoımasyna tógilgen qara suıyqtyqqa qatysty túsinik berdi

2022 jyldyń 17 mamyr 2022 18:56

ÓSKEMEN. QazAqparat – Shyǵys Qazaqstan oblysynyń ekologtary sý qoımasyna qara suıyqtyq tógilgen vıdeoǵa qatysty túsinik berdi, dep habarlaıdy QazAqparat tilshisi.

Sońǵy kúnderi áleýmettik jelilerde Óskemen qalasynyń irgesinde ornalasqan Opytnoe pole aýylyndaǵy sý qoımasyna belgisiz qara suıyqtyqtyń tógilip jatqany týraly vıdeo tarap ketti.

Osyǵan oraı ShQO ekologııa departamentiniń ókilderi túsinik berdi. Olardyń aıtýynsha, turǵyndarǵa alańdaýǵa negiz joq.

«Vıdeoda «Óskemen JEO» jaýapkershiligi shekteýli seriktestiginiń №3 kúl úıindisin gıdrotazalaý tehnologııalyq protsesi júrip jatyr. Ol aýmaq kúl úıindisi qaldyqtaryn jınaqtaýshy retinde qoldanylady. «Óskemen JEO» JShS mekemesi shtattyq rejımde jumys isteıdi. Qazirgi ýaqytta onda apattyq jaǵdaı tirkelgen joq», - dep habarlady departamenttiń baspasóz qyzmeti.

Esterińizge sala ketsek, osyǵan deıin ShQO-da turǵyndar narazylyǵyn týǵyzǵan shoshqa fermasy tekserilgenin habarlaǵan edik.


Joǵary qaraı