Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO dárigerleri jol apatynan zardap shekken áıelge birneshe kúrdeli ota jasady

2022 jyldyń 25 qańtar 2022 22:45

ÓSKEMEN. QazAqparat – Shyǵys Qazaqstan oblysynyń dárigerleri jol apatynan zardap shekken áıelge birneshe kúrdeli ota jasady, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, Tarbaǵataı aýdany Aqsýat aýylynyń 49 jastaǵy turǵynyn jeltoqsan aıynda kólik qaqqan. Aýyr dárejedegi dene jaraqattaryn alǵan ol aýrýhanaǵa jetkizildi. Oblystyq aýrýhana ortopedııa bólimi dárigerleriniń aıtýynsha, patsıent súıekteriniń saý-tamtyǵy qalmaǵan.

«Soqqy saldarynan ol polıtravmalyq jaraqattar alǵan. Atap aıtqanda, arqa, moıyn, omyrtqa, ıyq, jambas súıekteri syndy. Naýqasqa kezeń-kezeńmen birneshe ota jasaldy», - dedi ortopedııa bóliminiń meńgerýshisi Dýman Bakerbekov.

Bir aptaǵa sozylǵan daıyndyqtan keıin eń aldymen ıyq súıegine otseosıntez jasalyp, súıek ishine bekitýshi shtıft ornatyldy. Bul óz kezeginde, patsıenttiń erte ońalýyna yqpal etti. Keıingi kezekte asa kúrdeli ota – jambas súıekterine jasalǵan.

«Ádette, jambas súıekterin konservatıvti túrde emdeıtinbiz. Biraq bul jaǵdaıda ota qajet boldy. Biz jambas súıeginiń ishki uńǵylyna ashyq otseosıntez otasy arqyly rekonstrýktıvti plastına ornattyq. Óte qıyn ota boldy, sebebi maıdalanyp qalǵan súıek synyqtaryna eshbir tamyrǵa zaqym keltirmeı jetip repozıtsııa jasaýymyz qajet boldy. Birneshe saǵatqa sozylǵan ota sátti ótti. Keıin kompıýterlik tomografııa súıekterdiń jınalǵandyǵyn kórsetti», - dedi D.Bakerbekov.

Joǵary tehnologııaly kómektiń arqasynda qazir naýqas tez ońalyp kele jatyr. Aldaǵy ýaqytta ol Ońaltý ortalyǵynda qajetti em-dom qabyldaıtyn bolady.


Joǵary qaraı