Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-daǵy túrmege aryz-shaǵymdar qabyldaıtyn termınal ornatyldy

2021 jyldyń 25 qazan 2021 04:40

ÓSKEMEN. QazAqparat – Shyǵys Qazaqstan oblysyndaǵy kolonııaǵa ótinishter men shaǵymdarǵa arnalǵan elektrondy termınal ornatyldy, dep habarlaıdy QazAqparat tilshisi.

ShQO boıynsha QAJD baspasóz qyzmetiniń málimetine súıensek, OV-156/21 mekemesinde ótinishter men shaǵymdardy joldaýǵa arnalǵan taǵy bir termınal ornatyldy. Dál osyndaı birinshi termınal kolonııaǵa 2021 jyldyń sáýir aıynda ornatylǵan bolatyn.

Mekeme qyzmetkerleriniń aıtýynsha, termınaldyń artyqshylyǵy – munda sottalǵan ótinish berýdiń formaldy merzimi kelgen kezde óz betimen shartty túrde merziminen buryn bosap shyǵýǵa, jazanyń ótelmegen bóligin neǵurlym jeńil jaza túrine aýystyrýǵa jáne qonys kolonııaǵa aýysý jóninde qoldaýhatyn sotqa jibere alady. Eń bastysy, zańdy túrde qoldaýhat jazýǵa merzim ýaqyty kelý kerek. Sonymen qatar osy termınal arqyly ol belgili bir quqyq buzýshylyq týraly aryz-shaǵymdaryn prokýratýraǵa, adam quqyqtary jónindegi basqa da memlekettik organdarǵa jibere alady.

«Shaǵym nemese ótinish berý úshin sottalǵandarǵa jeke sáıkestendirý nómirin engizip, saýsaq izimen rastaý qajet. Bul óte qarapaıym jáne tehnologııany bilýdiń úlken daǵdylaryn qajet etpeıdi. Meniń oıymsha, bul óte yńǵaıly, óıtkeni sottalǵandarǵa zańda belgilengen shaǵymdar men ótinishterdi jiberýdiń, olardyń oryndalý merzimi týraly suraqtar týyndamaıdy. Termınal arqyly suraqtaryna egjeı-tegjeıli jaýap ala alady», - deıdi mekeme bastyǵynyń tártip jáne jedel jumystary boıynsha orynbasary Ýalıhan Jýmashev.


Joǵary qaraı