Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-daǵy 10 eldi mekenge sý tasqynyna qarsy jabdyqtar jetkizildi

2021 jyldyń 12 qazan 2021 21:17

ÓSKEMEN. QazAqparat – Shyǵys Qazaqstan oblysyndaǵy 10 eldi mekenge sý tasqynyna qarsy jabdyqtar jetkizildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirdegi sý tasqyny qaýpi joǵary 10 aýylda arnaıy joba iske asyrylýda. Eýropalyq Odaq qarjylandyratyn bul joba «Apattarǵa tózimdilikti arttyrý jáne Ortalyq Azııadaǵy apattar qaýpin azaıtý jónindegi Sendaı baǵdarlamasyn iske asyrýdy jedeldetý» bastamasy aıasynda qolǵa alynyp otyr.




Joba barysynda Qazaqstannyń «Qyzyl Jarty Aı» qoǵamy - halyqty tótenshe jaǵdaılar kezindegi is-qımyl daǵdylaryna, apatqa daıyndyq júrgizýdi jáne tıisti josparlardy ázirleýdi úıretedi. Sonyń aıasyndaǵy taǵy bir mańyzdy oqıǵa – eldi mekenderdi sý tasqyny kezinde qajet bolatyn jabdyqtarmen jáne materıaldarmen jabdyqtaý. Aýyldarǵa generatorlar, motopompalar, shamdar, megafondar, qutqarý keýdesheleri men alǵashqy kómek qobdıshalary jetkizilgen.







«Oblys boıynsha qamtylǵan aýdandarda 27 sý tasqyny qaýpi bar ýchaske ornalasqan. Sondyqtan mundaı joba tasqyn qaýpiniń aldyn alý jáne azaıtý úshin asa mańyzdy», - dep habarlady vedomstvo ókilderi.








Joǵary qaraı