Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jyl sońyna deıin modýldik polıtsııa beketteriniń sany 10-ǵa jetedi

2021 jyldyń 25 qarasha 2021 23:24

ÓSKEMEN. QazAqparat – Shyǵys Qazaqstan oblysynda jyl sońyna deıin modýldik polıtsııa beketteriniń sany 10-ǵa jetpek, dep habarlaıdy QazAqparat tilshisi.

Memleket basshysy Qasym-Jomart Toqaevtyń tapsyrmasyna sáıkes, ishki ister organdary qyzmetkerleriniń halyqpen baılanysyn kúsheıtý úshin óńir boıynsha modýldik polıtsııa beketteriniń sany artýda. Bul beketterdiń jumysy birinshi kezekte adamdardyń qajettilikterine jedel den qoıýǵa, qıyn jaǵdaıǵa tap bolǵandarǵa kómek kórsetýge jáne qoǵamnyń polıtsııaǵa degen senim deńgeıin arttyrýǵa baǵyttalǵan.

Shyǵys Qazaqstan boıynsha 8 modýldik polıtsııa beketi bar. Onyń altaýy Óskemen qalasynda, ekeýi Semeıde ornalasqan. Sondaı-aq jyl sońyna deıin Óskemende taǵy eki beket ashý josparlanyp otyr. Jańa modýldik polıtsııa beketi – Ótepov kóshesi boıyndaǵy «Dostyq» dúkeni janynda, ekinshisi – Prohladnyı aýdanynyndaǵy «Samal» shaǵyn marketiniń qasynda oryn tebedi.

«Polıtsııa jumysynyń basty prıntsıpi – quqyq buzýshylyqty anyqtaý ǵana emes, onyń jolyn kesý, kez kelgen ýaqytta halyqqa kómek kórsetýge daıyn bolý. Ásirese turǵyndarmen senimdi qatynas ornatýǵa basa nazar aýdarylǵan», - dedi ShQO PD JPQB erekshe tapsyrmalar boıynsha aǵa ınspektory Danııar Murymbaev.


Joǵary qaraı