Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jyl basynan beri 492 gektar orman órtengen

2021 jyldyń 28 shilde 2021 14:57

ÓSKEMEN. QazAqparat – Shyǵys Qazaqstan oblysynda bıylǵy órt qaýpi joǵary kezeń bastalǵaly beri 492 gektar orman janyp ketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirde 153 tabıǵı órt bolyp, 492,07 gektar orman alqaby janyp ketti. Sondaı-aq 3869 gektar alańda 140 shóp janýy tirkelgen.

«Órt qaýipsizdigin qamtamasyz etý úshin oblysta 69 birlesken mobıldi top quryldy. Onyń quramynda 384 adam bar. Osy ýaqytqa deıin 872 reıd júrgizilip, órt qaýipsizdigi talaptaryn buzǵan 259 adam anyqtaldy», - dep habarlady vedomstvo ókilderi.

Mamandardyń aıtýynsha, orman órtteri kóbinese ashyq dalada bastalady. Sodan keıin qyzyl jalyn jelmen ormanǵa deıin jetedi. Órttiń 75%-y naızaǵaıdyń saldarynan shyqqan.


Joǵary qaraı