Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jyl basynan beri 160 kólik órtendi

2021 jyldyń 5 jeltoqsan 2021 16:34

ÓSKEMEN. QazAqparat – Shyǵys Qazaqstan oblysynda bıyl 160 kólik órtendi, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, óńir boıynsha árbir altynshy órt avtokólikte tirkeledi. Jalpy osy jyldyń basynan beri barlyǵy 160 kólik otqa oranǵan.

«Máselen, Ulan aýdany Qasym Qaısenov kentindegi 2013 jyly shyǵarylǵan «HYNDAI Conti» markaly avtobýstyń motor bóligindegi janǵysh bólshekter órtengen. Qyzyl jalynnyń jalpy aýdany 1 sharshy metrdi qurady. Sondaı-aq Rıdder qalasy Chapaev kóshesinde 2002 jyly shyqqan «Ford Maverık» markaly avtokólikte qysqa tuıyqtalý boldy. Abyroı bolǵanda, órt taralmaı turyp aýyzdyqtaldy», - delingen aqparatta.

Osy rette, qutqarýshylar óńir jurtshylyǵyna barynsha abaı bolyp, kóligin jıi teksertip turý qajettigin eskertedi.


Joǵary qaraı