Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jol jóndeýshiler eskertý belgisin qoımaǵandyqtan kólik shuńqyrǵa qulady

2021 jyldyń 15 qyrkúıek 2021 18:12

ÓSKEMEN. QazAqparat – Shyǵys Qazaqstan oblysy Shemonaıha aýdanynda jol jóndeýshilerdiń eskertý belgisin qoımaýy saldarynan kólik shuńqyrǵa qulady, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy Shemonaıha qalasyndaǵy Ivanov kóshesinde bolǵan. «ZAZ» markaly avtokólikti tizgindegen 24 jastaǵy júrgizýshi qazylǵan joldy baıqamaı, shuńqyrǵa túsip ketti.



Jaraqat alǵan er adamǵa medıtsına qyzmetkerleri kómek kórsetken. Júrgizýshiniń aıtýynsha, jol apatyna jóndeý jumystary týraly eskertý belgisiniń qoıylmaýy sebep boldy.

«Atalǵan fakti boıynsha jol jóndeý jumystaryn júrgizip jatqan «VostokEnergo» JShS basshysyna qatysty QR ÁQBtK-niń 631-babyna sáıkes ákimshilik hattama toltyryldy. Zardap shekken azamat materıaldyq shyǵyndy óndirý úshin sotqa aryzdana alady», - delingen aqparatta.


Joǵary qaraı