Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jezóksheler prıtonyn uıymdastyrǵandar 5 jylǵa sottalýy múmkin

2021 jyldyń 6 jeltoqsan 2021 20:31

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri júrgizgen reıd barysynda 14 jezókshe anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary «Stop-trafık» jedel-aldyn alý sharasyn ótkizdi.

«Shara barysynda Óskemen jáne Semeı qalalaryndaǵy monsha keshenderi ákimshileriniń jezókshelikpen aınalysýǵa arnalǵan 5 prıton ustaǵandyǵy anyqtaldy. Qazirgi ýaqytta osyǵan qatysty QR QK 309-babyna sáıkes sotqa deıingi tergeý amaldary júrgizilýde. Kúdiktiler óz kinásin moıyndap otyr. Endi olar 5 jylǵa deıin bas bostandyǵynan aıyrylýy múmkin», - dep habarlady vedomstvo ókilderi.

Sondaı-aq QR ÁQBtK-niń 449-baby 1-bóligi (qoǵamdyq oryndarda tıisý) boıynsha 46 fakti jáne QR ÁQBtK-niń 450-baby (jezókshelikpen aınalysý nemese jeńgetaılyq úshin úı-jaılar berý) boıynsha 2 fakti tirkeldi. Profılaktıkalyq esepke 17 adam qoıyldy. Onyń ishinde «jeńgetaı» sanaty boıynsha - 3 adam, «jezókshe» sanatymen - 14 adam.


Joǵary qaraı