Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jeke kásibin bastaǵysy kelgen 18 kópbalaly anaǵa grant berildi

2021 jyldyń 26 qazan 2021 14:56

ÓSKEMEN. QazAqparat – Shyǵys Qazaqstan oblysynda jyl basynan beri jeke kásibin bastaǵysy kelgen 20-ǵa jýyq kópbalaly anaǵa grant berildi, dep habarlaıdy QazAqparat tilshisi.

ShQO aqparat ortalyǵynyń málimetine súıensek, kópbalaly jáne az qamtylǵan otbasylardy qoldaýdyń keshendi baǵdarlamasyn jáne «Eńbek» memlekettik baǵdarlamasyn iske asyrý aıasynda kópbalaly analar byltyr 636, al az qamtylǵan otbasylar 239 grant alǵan.

Bul - jeke kásipti damytýǵa nemese jańadan ashýǵa arnalǵan granttar.

«Mundaǵy eń mańyzdy artyqshylyq – aqshanyń qaıtarymsyz negizde berilýi. Sondaı-aq kópbalaly analardan qandaı da bir bıznes kýrsyn aıaqtaǵany týraly sertıfıkat ta talap etilmeıdi. Osy sanattaǵy otbasylardan grant alýǵa 1060 ótinish kelip tústi, onyń 875-i, ıaǵnı 82%-y maquldanǵan», - delingen aqparatta.

Bir granttyń mólsheri 583,4 myń teńgeni nemese 200 AEK-ti quraıdy.

2021 jyly jalpy somasy 39 mln teńgege 67 grant, onyń ishinde kópbalaly otbasylarǵa - 18, az qamtylǵan januıalarǵa - 21 grant berilgen.

«Grant alǵan otbasylar bul qarajatty tıimdi qoldanyp, bıznesterin dóńgeletip áketýde. Atap aıtqanda, olardyń arasynda sút jáne kondıterlik ónimderdi shyǵarýmen aınalysyp jatqandar, tehnıkalyq qyzmet kórsetý stantsııalaryn, manıkıýr salondaryn, qoǵamdyq tamaqtaný oryndaryn ashqandar bar», - delingen málimette.


Joǵary qaraı