Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da jaǵajaılar shomylý maýsymyna qanshalyqty daıyn

2021 jyldyń 5 mamyr 2021 18:53

ÓSKEMEN. QazAqparat – Shyǵys Qazaqstan oblysynda qutqarýshylar jaǵajaılardyń shomylý maýsymyna daıyndyǵyn tekserdi, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, ótken jyly óńirde 31 adam sýǵa batqan. Barlyq jazataıym oqıǵalar jabdyqtalmaǵan shomylý oryndarynda boldy.

Al bıylǵy jyldyń basynan beri 1 bala sýǵa ketti.

«Sý aıdyndarynda qaýipsizdikti uıymdastyrý týraly» QR ІІM №34 buıryǵyna sáıkes, qaýipsiz jaǵajaıda súńgýirlik tekserý júrgizilgendiginiń aktisi bolýy tıis. Sondaı-aq keminde 2 arnaıy oqytylǵan qutqarýshy kezekshilik etip, balalar shomylatyn oryndar jabdyqtalyp, profılaktıkalyq stendter ornatylyp, medıtsınalyq personalǵa arnalǵan beketter jumys istep, azamattardyń qaýipsiz demalysyn qamtamasyz etetin barlyq jabdyqtar bolýy qajet. Ázirge Shyǵys Qazaqstanda 3 resmı jaǵajaı bar. Onyń ekeýi Óskemende, bireýi Ulan aýdanynda ornalasqan. Budan bólek, 16 demalys orny men shomylýǵa tyıym salynǵan 64 jer tirkelgen», - dedi departament bastyǵynyń orynbasary Dmıtrıı Tıtov.

Jaǵajaılardy tekserý nátıjesinde, olardyń qaýipsizdik standarttary boıynsha demalýshylardy qabyldaýǵa daıyn emes ekendigi belgili boldy.

Qutqarýshylar talaı kemshilikterdi anyqtaǵan.

Atap aıtqanda, qaıyq qoıatyn oryndar bolmaı, júzý shekarasy belgilenbegen, sondaı-aq medıtsınalyq jáne qutqarý beketteri joq bolyp shyqty.


Joǵary qaraı