Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da úzdik medıtsına qyzmetkerleri marapattaldy

2021 jyldyń 18 maýsym 2021 18:16

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov úzdik medıtsına qyzmetkerlerin marapattady, dep habarlaıdy QazAqparat tilshisi.

Medıtsına qyzmetkerleri kúni qarsańynda aımaq basshysy Óskemen qalasyndaǵy Ana men bala ortalyǵyna jáne oblystyq Densaýlyq saqtaý basqarmasyna bardy. Kezdesý barysynda Danıal Ahmetov aımaqtyń aq halattylaryn kásibı merekemen quttyqtap, óńirdiń densaýlyq saqtaý salasynyń úzdikterine qurmet gramotalaryn tabys etti.

Olardyń qatarynda ShQO Bas pedıatry Gúl Qusaıynova, Ana men bala bóliminiń mamany Gúljan Qasebaeva, Ana men bala ortalyǵynyń pedıatrııalyq qyzmet basshysy ıÝlııa Shershneva, revmatolog Gúljan Ádilhanova jáne neırohırýrg Dmıtrıı Nedbaılo bar.




«Koronovırýs pandemııasymen kúres kezeńinde talmaı eńbek etken dárigerler men medbıkelerdi búgingi kúnniń batyrlary deýimiz kerek. Táýligine 24 saǵat, aptasyna jeti kún, otbasyna kóńil bóle almaǵandaryna qaramastan COVID-19 indetimen aıanbaı kúresip, qanshama azamattyń ómirine arasha tústi, qoǵamnyń amandyǵy úshin qaltqysyz qyzmet etti. Qazir azamattar medıtsına qyzmetkerleriniń eńbekterine erekshe qurmetpen qaraıtynyn aıtqym keledi. Halyqtyń kózqarasy ózgerdi», - dedi Danıal Ahmetov.




Óz sózinde ákim oblystyń barlyq medıtsına qyzmetkerlerine zor densaýlyq, muqalmas kúsh-jiger jáne mol tabys tiledi.














Joǵary qaraı