Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da úsh kún ishinde mal urlyǵyna qatysty 11 qylmys ashyldy

2021 jyldyń 31 shilde 2021 05:34

ÓSKEMEN. QazAqparat – Shyǵys Qazaqstan oblysynyń polıtseıleri úsh kún ishinde mal urlyǵyna qatysty 11 qylmysty ashty, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, polıtsııa qyzmetkerleri 27-29 shilde aralyǵynda óńir aýmaǵynda «Barymta» jedel aldyn alý sharasyn ótkizdi. Mundaǵy maqsat – mal urlyǵynyń aldyn alý jáne qylmyskerlerdi qolǵa túsirý.

«Shara barysynda jedel-krımınaldyq, ákimshilik jáne jergilikti polıtsııa qyzmetinen barlyǵy 500-ge jýyq adam jumyldyryldy. Sonymen qatar veterınarlyq baqylaý qyzmetiniń 42 mamany tartylǵan. 3 kúnniń ishinde tártip saqshylary buryn jasalǵan 11 qylmystyq isti ashty. Nátıjesinde, 24 bas mal tabylyp, ıelerine qaıtaryldy. Onyń ishinde 11 jylqy, 9 iri qara jáne 4 usaq mal bar. Iesiz jaıylǵan 544 bas mal aıyppul turaǵyna jetkizilgen», - delingen habarlamada.

Budan bólek, QR ÁQBtK-niń 406-babyna (Qazaqstan Respýblıkasynyń veterınarııa salasyndaǵy zańnamany buzý) sáıkes, tıisti qujattarsyz mal jáne et ónimderin tasymaldaǵan 16 adam anyqtaldy.


Joǵary qaraı