Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da úsh aptada kene shaqqandar sany 5 ese artty

2022 jyldyń 16 mamyr 2022 22:23

ÓSKEMEN. QazAqparat – Shyǵys Qazaqstan oblysynda sońǵy úsh aptada kene shaqqan turǵyndar sany 5 esege artqan, dep habarlaıdy QazAqparat tilshisi.

ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, ótken aıdyń aıaǵyna qaraı óńir boıynsha 229 adamdy kene shaqsa, qazirgi ýaqytta bul kórsetkish bes esege artyp otyr.

«Sáýir aıynyń basynan beri endemııalyq aýmaqtarda kene shaqqandar sany 1 myńnan asyp ketti. Zardap shekkenderdiń basym bóligi, ıaǵnı 653 adam – Óskemen qalasynyń turǵyndary. Sondaı-aq Rıdder, Glýbokoe, Katonqaraǵaı, Shemonaıha jáne Altaı aýdandarynda kene shaqqandar kóp. Al eń az kórsetkish Ulan, Zaısan jáne Kókpekti aýdandarynda tirkelgen», - delingen aqparatta.

Ótken jyldyń sáıkes kezeńimen salystyrǵanda kene shaǵyp medıtsınalyq kómekke júgingender sany 6,7 paıyzǵa ósken.

Esterińizge sala ketsek, osyǵan deıin Semeıde Balalar jylyna oraı 3000-ǵa jýyq shara ótetinin habarlaǵan edik.


Joǵary qaraı