Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da sileýsin atqan eki er adam ustaldy

2022 jyldyń 24 qańtar 2022 11:00

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri sileýsin atqan eki er adamdy ustady, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Ulan aýdany Kamenka aýylynda zańsyz ań aýlaý faktisi tirkeldi.

«Eki er adam arnaıy ruqsat qujattarynsyz sileýsindi atyp alǵan. Polıtsııa qyzmetkerleri olardy ustady. Tártip buzýshylarǵa qatysty QR ÁQBtK-niń 382-baby 1-bóligine (Qylmystyq jazalanatyn áreket belgilerin qamtymaıtyn janýarlar dúnıesin paıdalaný jáne ań aýlaý erejelerin buzý) sáıkes ákimshilik hattama toltyryldy», - dep habarlady vedomstvo ókilderi.

Esterińizge sala ketsek, osyǵan deıin Shyǵys Qazaqstan oblysy Jarma aýdanynda sibir eligin atqan er adamnyń memleketke 2 000 000 teńgeden astam materıaldyq zalal keltirgeni habarlanǵan bolatyn.


Joǵary qaraı