Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da shomylý maýsymy bastalmaı turyp 3 adam sýǵa ketti

2022 jyldyń 16 mamyr 2022 14:40

ÓSKEMEN. QazAqparat – Shyǵys Qazaqstan oblysynda shomylý maýsymy bastalmaı turyp 3 adam sýǵa ketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, jyl basynan beri qutqarýshylar sý qoımalaryndaǵy 3500-ge jýyq demalýshyǵa qaýipsizdik erejelerin túsindirdi.

«Shomylý maýsymy jazdyń alǵashqy aıynda bastalatynyna qaramastan, óńirde sýǵa batyp jatqandar bar. Búginde 3 adam sýǵa ketti. Mamyr aıynda kún jylynǵaly beri jabdyqtalmaǵan ózen-kólderge baratyndar kóbeıgen. Bul jerler únemi kásibı qutqarýshylardyń baqylaýynda bola bermeıdi» delingen aqparatta.

TJD qyzmetkerleri kún saıyn profılaktıkalyq reıdter júrgizýde. Onda demalýshylarǵa sýdaǵy jazataıym oqıǵalar týraly aıtyp, qaýipsizdik talaptary jazylǵan jadynamalar taratýda. Jyl basynan beri sý jaǵalaýlarynda 1500-den astam ret patrýldeý júrgizilgen.

Esterińizge sala ketsek, osyǵan deıin ShQO-da brakonerlerge 2,5 mln teńgeden astam aıyppul salynǵanyn habarlaǵan edik.


Joǵary qaraı