Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da shekaralyq aýdandardy damytýǵa 43 mlrd teńge jumsaldy

2022 jyldyń 26 qańtar 2022 14:41

ÓSKEMEN. QazAqparat – Shyǵys Qazaqstan oblysynda shekaralyq aýdandardy damytýǵa 43 mlrd teńgeden astam qarajat jumsaldy, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, Qytaımen shekaralas ornalasqan óńirdegi bes aýdandy damytý maqsatynda arnaıy baǵdarlama iske asyrylýda. Sonyń aıasynda 5 jyl ishinde 231,5 mlrd teńge kóleminde ınvestıtsııa jumyldyrý josparlanǵan. Ótken jyly jobalardy júzege asyrýǵa 43,6 mlrd teńge jumsaldy.

«Kúrshim aýdanynda agroónerkásip keshenniń 35 jobasy boıynsha nesıe berilip, oǵan 374 iri qara men 221 jylqy satyp alyndy. Aýyl sharýashylyǵy taýarlaryn óndirýshiler 57 tehnıka alǵan. Marqakól aýylyndaǵy «Nuraly» sharýa qojalyǵynyń bazasynda sút óńdeý tsehy ashylyp, «Saıat» sharýa qojalyǵynda sút-taýar fermasynyń qurylysy aıaqtaldy», - delingen habarlamada.

Tarbaǵataı aýdany Aqjar aýylynda saýda dúkeni men bazar salyndy. Kópbalaly otbasylar men halyqtyń áleýmettik osal toptary úshin 25 eki páterli turǵyn úı paıdalanýǵa berildi. Aqsýat aýylynda sýmen jabdyqtaý jelileri salyndy. Mańyraq, Oıshilik, Kókjyra aýyldaryna kóshe jaryǵy ornatylǵan. Qyzyl kesik, Mańyraq, Kókjyra, Oıshilik aýyldarynyń kósheleri abattandyrylyp, trotýar tóseldi.

«Zaısan aýdanynda «Bıznestiń jol kartasy – 2025» baǵdarlamasy sheńberinde iri qara mal ósirý, nan-toqash ónimderin jasaý boıynsha bıznes-jobalar iske asyryldy. Úsh saýda nysany paıdalanýǵa berildi. Aýdan ortalyǵynda 60 páterli turǵyn úı salyndy. Oǵan barlyq ınjenerlik kommýnıkatsııalar tartylǵan. Bes aýylda sýdy tazartý úshin blokty-modýldi stantsııalar ornatyldy. Aınabulaq, Daıyr jáne Qarabulaq aýyldarynda kóshe jaryǵy júrgizildi. Sondaı-aq aýyl kóshelerin jóndeý aıaqtaldy», - delingen málimette.

Katonqaraǵaı aýdanynda aýyl sharýashylyǵy taýar óndirýshileri 78 tehnıka satyp alǵan. Aýdanda týrızmdi damytýǵa basa nazar aýdaryldy. Máselen, Órel aýylynda demalys bazalary, Berel aýylynda dámhana, Úlken Naryn aýylynda janarmaı quıý stantsııasy salyndy.

Úrjar aýdanynda Alakóldiń jaǵalaýynda medıtsına jáne polıtsııa pýnkteri salyndy. Úrjar aýylynda balalar oıyn ortalyǵyn uıymdastyrý, Aqjar aýylynda jartylaı fabrıkattar óndirý úshin 12,5 mln teńgege tórt grant berildi. «Qarapaıym zattar ekonomıkasy» baǵdarlamasy boıynsha alty joba, atap aıtqanda, týrızmdi damytý boıynsha eki joba, kóktemgi egin jumystaryn júrgizýge arnalǵan tórt joba iske asyryldy.



Joǵary qaraı