Aýa raıy
Astana -24 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da sharýa qojalyǵynan órt shyqty

2020 jyldyń 31 qazan 2020 17:30

ÓSKEMEN. QazAqparat – Shyǵys Qazaqstan oblysy Borodýlıha aýdanyndaǵy sharýa qojalyǵynda órt shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 30 qazanda saǵat 21:00 shamasynda Andronovka aýylynda ornalasqan sharýa qojalyǵyndaǵy mal qorasynyń shatyryn jalyn sharpyǵan.

«Lezde taraı bastaǵan tilsiz jaýdy sóndirýge 5 órt sóndirýshi, sharýa qojalyǵynyń 10 jumysshysy, 1 avtotsısterna men traktor jumyldyryldy. 480 sharshy metr aýmaqqa jaıylǵan órt saǵat 23.50-de sóndirilgen. Aldyn ala málimet boıynsha órttiń shyǵý sebebi – elektr symdarynyń qysqa tuıyqtalýynan bolýy múmkin», - dep habarlady vedomstvo ókilderi.

Osy rette, TJD sharýa qojalyqtarynyń basshylaryna órt qaýipsizdigi sharalaryn qatań saqtaý qajettigin eske salady.


Joǵary qaraı