Aýa raıy
Astana -5 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da shaǵyn kólderde motorly qaıyqtar men skýterlerge tyıym salynbaq

2020 jyldyń 23 qyrkúıek 2020 08:54

SEMEI. QazAqparat – ShQO Ekologııa departamentiniń basshysy Danııar Álıevtiń aıtýynsha, óńirde shaǵyn kólderde motorly qaıyqtar men skýterlerge tyıym salynady, dep habarlaıdy QazAqparat tilshisi.

Rodan kólinde skýtermen júrgender týraly beınekadrlar barlyq buqaralyq aqparat quraldarynda tarap, el ishinde úlken rezonans týǵan kezde oblystyq Ekologııa departamentiniń mamandary oqıǵa ornyna birden jol tartqan. Olar bıik taýdaǵy shaǵyn kólge jaıaý baryp, jaǵalaýdy túgel qarap shyqty. Mamandar tabıǵat qorǵaý aımaqtaryn qurý qajet degen qorytyndyǵy kelgen. Bıýdjetti naqtylaý kezinde osyndaı usynys jasalmaq.

«Sondaı-aq, joba aıasynda ekologtar ınventarızatsııa júrgizip, jańa erejeler bekitip, eń bastysy shaǵyn motorly qaıyqtardy paıdalanýǵa tyıym salýdy kózdep otyr. Bul óte mańyzdy. Sebebi osynyń saldarynan sý janarmaımen, motor maıymen lastanýda. Budan bólek, motorly qaıyq demalýshylar úshin de qaýipti. Turǵyndar tarapynan osyǵan qatysty kóptegen shaǵymdar kelip túsken. Endi bar másele sheshiledi degen úmit bar», - dedi Danııar Álıev.


Joǵary qaraı