Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da sel jáne laı kóshkini qaýpi bar kezeń bastaldy

2022 jyldyń 18 mamyr 2022 03:15

ÓSKEMEN. QazAqparat – Shyǵys Qazaqstan oblysynda sel tasqyny jáne laı kóshkini qaýpi bar kezeń bastaldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirde 146 muzdyq kólden sel qaýpi bar. Onyń 98-i Katonqaraǵaı aýdanynda, 16-y Zaısan qalasynda, 2-ýi Úrjar aýdanynda jáne 30-y Rıdder qalasynda ornalasqan. Olar 13 eldi mekenge qaýpi bar (Zaısan qalasy, Saryterek, Katonqaraǵaı, Arshaty, Órel, Berel, Kýtıha, Qazymbet, Naýaly, Qaratóbe, Qyzyl kesik, Tuǵyl jáne Mańyraq aýyldary) sel tasqynynyń 23 oshaǵyn týyndatyp otyr.

Sondaı-aq oblystyń 4 aýdanyndaǵy 9 ózende laı kóshkini qaýpi bar. Biraq toǵyzy túgeldeı eldi mekenderge qaýip tóndirip turǵan joq. Rıdder qalasyndaǵy - 1, Altaı aýdanyndaǵy - 2, Katonqaraǵaı aýdanyndaǵy - 3 tasjol ýchaskesinde jáne «Óskemen-Altaı» temirjolynda laı kóshkini qaýpi seziledi.

«Soǵan oraı mamyr aıynyń ortasynan Shyǵys Qazaqstan aýmaǵynda 13 baqylaý beketi jumys isteı bastady. «Qazseldenqorǵaý» ShQ fılıalynyń qyzmetkerleri on kún saıyn sel jáne laı kóshkini qaýpi bar ýchaskelerge tekserý júrgizetin bolady. Sondaı-aq muzdyq kólderdiń jaı-kúıine, Gromotýha, Buqtyrma, Aq Úbe, Turǵysyn ózenderi basseınderiniń sel qaýpi bar ýchaskelerine áýeden barlaý jasalady», - delingen aqparatta.

Eske salaıyq, bıylǵy 15 mamyrda Almaty oblysynyń Tekeli qalasynda laı kóshkini júrip, bes jastaǵy qyz bala joǵalyp ketken bolatyn. Sol kúni keshke balanyń máıiti laıly úıindi astynan tabyldy.


Joǵary qaraı