Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da pandemııa bastalǵaly beri 35 myńǵa jýyq adam vırýs juqtyrdy

2021 jyldyń 5 tamyz 2021 14:31

ÓSKEMEN. QazAqparat – Shyǵys Qazaqstan oblysynda pandemııa bastalǵaly beri 35 myńǵa jýyq adam koronavırýs juqtyrǵan, dep habarlaıdy QazAqparat tilshisi.

Búgingi tańda óńirde epıdemıologııalyq jaǵdaı óte turaqsyz bolyp otyr. Bul jaıly ShQO Aqparat ortalyǵynda ótken baspasóz brıfıngisinde oblystyq Sanıtarlyq-epıdemıologııalyq baqylaý departamentiniń basshysy Qanat Turdıev málim etti.

«Pandemııa bastalǵannan beri aımaqta 34 729 naýqas tirkelgen. Onyń ishinde 25 754 adamda aýrý belgisi baıqalsa, 8 975-i dertti esh sımptomsyz ótkerdi. Sońǵy táýlikte 288 adam vırýs juqtyrǵan», - dedi ol.

Aýrýshańdyqtyń deni Semeı jáne Óskemen qalalarynda anyqtalyp otyr. Semeıde pandemııa bastalǵaly beri barlyǵy 10 525 KVI jaǵdaıy tirkelse, sońǵy táýlikte 140 adam qaýipti dertke shaldyqqan. Al Óskemen aýmaǵynda 1 kúnde 111 jaǵdaı anyqtalsa, pandemııa kezinde jalpy sany 10 744 turǵyn vırýs juqtyrdy.

«Halyqtyń karantın sharalaryn saqtamaýy indettiń órship ketýine negizgi sebepker. Sondyqtan barsha jurtshylyqty óziniń jáne jaqyndarynyń densaýlyǵy úshin jaýapkershilik tanytýǵa shaqyramyn. Koronavırýs ınfektsııasyna vaktsına alyp jáne shekteý sharalaryn qatań saqtap qana qarsy tura alamyz», - dedi Qanat Turdıev.


Joǵary qaraı