Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da órt sóndirý kóligine jol bermegen 18 júrgizýshige aıyppul salyndy

2021 jyldyń 17 maýsym 2021 07:17

ÓSKEMEN. QazAqparat – Shyǵys Qazaqstan oblysynda jyl basynan beri órt sóndirý kóligine jol bermegen 18 júrgizýshi ákimshilik jaýapkershilikke tartyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 16 maýsymda Óskemende Polıtsııa basqarmasynyń qyzmetkerleri, TJD qutqarýshylary men QR Bas prokýratýrasynyń Quqyqtyq statıstıka jáne arnaıy esepke alý jónindegi Komıtetiniń ShQO boıynsha basqarmasy ókilderiniń qatysýymen «Órt sóndirý kóligine jol ber» aldyn alý sharasy ótti.

«Órt sóndirý tehnıkasy sırenasynyń qosylýy bir jerde apat bolǵandyǵyn bildiredi. Ókinishke qaraı, barlyq júrgizýshiler sondaı kezde arnaıy avtokólikke jol berýdi mindet sanamaıdy. Órt pen qandaı da bir tótenshe jaǵdaı kezinde ár sekýndtyń mańyzy zor. Joldaǵy azdaǵan kidiris adam ólimine ákelip soǵýy múmkin», - dep habarlady vedomstvo ókilderi.

Reıd nátıjesinde órt sóndirý tehnıkasyna jol bermegen 3 júrgizýshi QR ÁQBtK-niń 598-babyna sáıkes ákimshilik jaýapkershilikke tartyldy. Jyl basynan beri Shyǵys Qazaqstanda arnaıy kólik quralynyń qozǵalysyna basymdyq bermegeni úshin 18 adamǵa hattama toltyrylǵan.


Joǵary qaraı