Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da órt qaýipsizdigi erejelerin buzǵan 1,5 myń úı anyqtaldy

2022 jyldyń 17 qańtar 2022 13:34

ÓSKEMEN. QazAqparat – Shyǵys Qazaqstan oblysynda órt qaýipsizdigi erejelerin buzǵan 1 569 úı anyqtaldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, jyl basynan beri qutqarýshylar 6 myńnan astam aýlany aralap, tekserý júrgizdi.

Sonyń nátıjesinde órt qaýipsizdigi erejelerin buzǵan 1 569 úı anyqtaldy. Árbir úı ıesine peshti jáne elektr quraldaryn paıdalaný talaptary boıynsha nusqaýlyq ótkizildi.




«Oqys oqıǵalardyń aldyn alý maqsatynda úılerdi aralaý kóp adamdy qamtýǵa jáne olarǵa qaýipsizdik sharalaryn jiti túsindirýge múmkindik beredi. Reıdterden bólek, qutqarýshylar áleýmettik turǵyda osal otbasylardyń úılerine ýly gazdy anyqtaıtyn dabyl ornatty. Búginde úılerge osyndaı 1 500-den astam sensor qoıylǵan», - dedi oblystyq TJD Memlekettik órt baqylaý basqarmasynyń bastyǵy Serik Amangeldın.

Aıta keteıik, 2022 jyldyń basynan bastap óńir boıynsha 54 órt shyqqan.

















Joǵary qaraı