Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da ońaltý qyzmetin kórsetetin medıtsınalyq uıym sany artty

2022 jyldyń 20 qańtar 2022 21:51

ÓSKEMEN. QazAqparat – Shyǵys Qazaqstan oblysynda bıyl ońaltý qyzmetin kórsetetin medıtsınalyq uıymdar sany birshama artyp otyr, dep habarlaıdy QazAqparat tilshisi.

«Áleýmettik medıtsınalyq saqtandyrý qory» ShQO fılıaly baspasóz qyzmetiniń málimetine súıensek, osy jyly óńirde ońaltý jáne qalpyna keltirý qyzmetterimen aınalysatyn medıtsınalyq uıymdar sany artty.

«Medıtsınalyq ońaltýdyń mańyzdylyǵy aıtpasa da belgili. Túrli aýyr syrqat pen jaraqattardan keıin adamnyń qalpyna kelýi úlken kúsh-qaıratty qajet etedi. Osy oraıda, medıtsınalyq ońaltý orasan zor ról atqarady. Patsıenttiń qalypty ómirge tez arada oralýy da osyǵan baılanysty. Al keıde azamattar ońaltý sharalaryna atústi qarap, tekten-tekke qarjy shyǵaram dep jańsaq oılaıdy», - dedi oblystyń bas shtattan tys reabılıtolog-dárigeri Tolqyn Sekeeva.

MÁMS júıesin iske asyrýdyń nátıjesinde medıtsınalyq ońaltýdy qarjylandyrý kólemi artty. Bıyl oblys boıynsha ońaltý qyzmetin kórsetýge 40 medıtsına uıymymen kelisimshart jasalǵan.

«Onyń 15-i Óskemende, 15-i Semeıde bolsa, 10 medıtsınalyq uıym aýdandyq aýrýhanalar bazasynda jumys isteıdi. Byltyr ońaltý jáne qalpyna keltirý qyzmetterin tek 32 medıtsınalyq uıym kórsetken bolatyn. Osy uıymdardyń úsheýi balalardy ońaltýmen aınalysady», - dedi T.Sekeeva.


Joǵary qaraı