Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da muz oıylyp, 4 balyqshy sýǵa ketken

2021 jyldyń 24 qarasha 2021 20:09

ÓSKEMEN. QazAqparat – Shyǵys Qazaqstan oblysynda bıyl muz oıylyp, 4 balyqshy qaza tapqan, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar jańa qatqan muz qaýiptiligi jaıly óńir jurtshylyǵyna túsindirý jumystaryn júrgizýde. Osy maqsatta olar jergilikti atqarýshy organ ókilderi jáne polıtseılermen birlesip 249 reıd, 982 nusqama ótkizip, balyqshylarǵa 3455 jadynama taratty.

«Halyq arasynda 25 aktsııa, oqýshylar úshin 65 ınteraktıvti sabaq uıymdastyryldy. Sý aıdyndarynda 33 eskertý jáne tyıym salý belgileri ornatylǵan. Qazirgi ýaqytta azamattar muz ústinde balyq aýlaıtyn 84 oryn men 1 muz ótkeli bar», - delingen aqparatta.

Ótken jyly 3 kólik muz astyna túsip, qaýipsizdik sharalaryn saqtamaǵan 6 balyqshy sýǵa batyp ketti. 2021 jyly sý aıdyndarynda 4 balyqshy kóz jumǵan.

Osy rette qutqarýshylar qalyńdyǵy 10 santımetrden kem emes muz adam úshin qaýipsiz ekendigin, degenmen eshqashan muzǵa qarańǵy ýaqytta shyǵýǵa bolmaıtyndyǵyn eskertedi.

«Muzǵa tek jaıaý shyǵý kerek. Sondaı-aq muz ústine top bolyp jınalmaǵan jón. Balyq aýlaýǵa arnalǵan tesikter bir-birinen keminde bes metr qashyqtyqta bolýy qajet. Eshbir jaǵdaıda muzǵa mas kúıinde shyǵýǵa bolmaıdy. Sizde telefon, myqty arqan jáne pyshaq bolýy kerek», - delingen habarlamada.


Joǵary qaraı