Aýa raıy
Astana -2 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da memlekettik-jekeshelik seriktestik aıasynda balabaqsha qurylysy qarqyndy júrgizilýde

2020 jyldyń 22 qyrkúıek 2020 02:11

ÓSKEMEN. QazAqparat – Shyǵys Qazaqstan oblysynda ǵylymı-zertteý, tájirıbelik-konstrýktorlyq jumystar jáne memlekettik-jekeshelik seriktestik aıasyndaǵy birqatar jobalar júzege asyrylýda, dep habarlaıdy QazAqparat tilshisi.

«Óńirlerdi damytýdyń» jańa baǵdarlamasyna sáıkes Shyǵys Qazaqstan joǵary tehnologııalyq men ǵylymı óndiris ortalyǵyna aınalmaq.

«Búgingi kúni óńir metallýrgııa salasynda jetekshi ról atqarady. Oblysta ǵylym men óndiristik jumystardy damytýǵa baılanysty aýqymdy jumystar atqarylýda. Máselen, Shyǵys Qazaqstan tehnıkalyq ýnıversıtetinde ǵylymı-zertteý jáne tájirıbelik-konstrýktorlyq jumystar aıasynda birqatar jobalar qolǵa alynǵan. Atap aıtsaq, iri kásiporyn bazasynyń birinde tantal ımplanttary óndirilip, zamanaýı medıtsınaǵa qajetti tehnıka jasalady. Bul Shyǵys Qazaqstannyń eksporttyq áleýetin arttyrýǵa múmkindik beredi», - delingen ShQO Aqparat ortalyǵy taratqan málimette.

Sondaı-aq shekaralyq aýdandardy damytyp, atalmysh aýmaqtardy ınvestıtsııa tartý ortalyqtaryna aınaldyrýǵa basa nazar aýdarylyp otyr.

Budan bólek, Shyǵys Qazaqstan respýblıkada birneshe jyl boıy memlekettik-jekeshelik seriktestikti damytý boıynsha kósh bastap keledi. Osy maqsattaǵy jumystar óńirde Prezıdent tapsyrmalary boıynsha júzege asyrylýda. Atap aıtsaq, memlekettik-jekeshelik seriktestik aıasynda mektepke deıingi mekemeler qurylysy qarqyndy júrgizilýde. Bul óz kezeginde jańa jumys oryndaryn ashyp, balabaqsha kezegin azaıtýǵa múmkindik berip otyr.

Joǵary qaraı