Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da mektepter men kásiporyndardyń 70% onlaın formatqa kóshti

2022 jyldyń 17 qańtar 2022 19:51

ÓSKEMEN. QazAqparat – Shyǵys Qazaqstan oblysynda mektep oqýshylary men kásiporyn jumysshylarynyń 70% onlaın formatqa aýystyryldy, dep habarlaıdy QazAqparat tilshisi.

Óńirde epıdemıologııalyq jaǵdaıdyń nasharlaýyna baılanysty jańa shekteý sharalary kúshine endi. Bul týraly onlaın formatta ótken baspasóz máslıhaty barysynda ShQO Sanıtarlyq-epıdemıologııalyq baqylaý departamenti basshysynyń orynbasary Ǵalymbek Alın málim etti.

«Memlekettik organdardyń, ulttyq kompanııalar men kásiporyndardyń eńbek ujymynyń 70 paıyzy qashyqtan jumys isteıtin bolady. Adamdardyń bir-birimen baılanysyn shekteý jáne ǵımarattardaǵy tyǵyzdyqty azaıtý ınfektsııanyń taralý qaýpin tómendetedi dep kútilýde. Sebebi aýrý adam kóp shoǵyrlanatyn, nashar jeldetiletin jerlerde tez taraıdy», - dedi ol.

Sondaı-aq mektepterde 9,11 synyptardan bólek barlyq oqýshylar onlaın oqytý formatyna kóshken.

«Eger bir bala koronavırýs juqtyrsa, synyp túgeldeı 14 kún úı karantınine oqshaýlanady. Kolledjder men JOO stýdentteri úshin aralas oqytý formaty bekitilgen. Barlyq dárister onlaın júrgizilse, tájirıbe, zerthana, semınar sabaqtary shtattyq rejımde ótedi», - dep túsindirdi Ǵalymbek Alın.


Joǵary qaraı