Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da matematıka páni muǵaliminiń ozyq tásili kópshiliktiń qoldaýyna ıe boldy

2022 jyldyń 15 qańtar 2022 14:34

NUR-SULTAN. QazAqparat - Pedagog-matematık Evgenııa Leýnova zamanaýı tehnologııalardyń kómegimen balalarmen ortaq til taýyp, olardyń bilimge degen qushtarlyǵyn oıata biletin bilikti ustazdardyń biri.

Ol Instagram-da tálimgerlik blogyn jáne YouTube-te oqýshylar men muǵalimderge arnalǵan bilim berý arnasyn júrgizedi. 2021 jyly onyń oqýshylary respýblıkalyq olımpıadalardyń jeńimpazdary atandy.

Evgenııa Valerevna ShQO matematıka, fızıka, ınformatıka salasyndaǵy daryndy balalarǵa arnalǵan oblystyq mamandandyrylǵan mektep-lıtseıinde matematıka páninen sabaq beredi. Ol oblystyq jáne respýblıkalyq semınarlardyń turaqty qatysýshysy, ádistemelik materıaldardyń avtory.

Ustazdyń eńbegi Shyǵys Qazaqstan oblysynyń Bilim basqarmasy, «Órleý» BAUO AQ jáne «Daryn» respýblıkalyq ǵylymı-ádistemelik ortalyǵynyń alǵys hattaryna ıe bolǵanyn atap ótken jón.

«Men úshin matematıkany oqytý meniń súıikti isim. Mekteptegi jumys, balalarmen qarym-qatynas, bilim berý salasyndaǵy túrli ózgerister men reformalar kóptegen múmkindikterge jol ashady, oqýshylarmen jumys isteýdiń jańa ádisterin qoldanýǵa, zaman arnasynan qalmaı júzýge múmkindik beredi. Mindetter qoıý, olardy sheshý, sheshim qabyldaý úrdisinen lázzat alýdyń ózi árqashan qyzyqty. Daryndy balalarǵa arnalǵan mektepte matematıka páninen sabaq berý – bul toqtaýsyz jumys pen úzdiksiz izdenis, ózin-ózi tárbıeleý jáne kásibı turǵyda ósý. Birinshi kezekte men ózimniń oqýshylaryma biliktiligimdi jetildirýge múmkindik bergeni, kúndelikti jaqsy kóńil-kúı, jyly qarym-qatynasy, kózderi ottaı janyp, bilim nárin sýsyndaýǵa den qoıǵandary úshin alǵysymdy bildiremin», – deıdi E. Leýnova.

Pedagogtyń nátıjeli eńbegi

Pedagog eńbeginiń nátıjeli bolǵanyna oqýshylardyń túrli baıqaýlarda alǵan júldeli oryndary dálel. 11-synyp oqýshysy Leonıd Gýskov jaratylystaný-matematıkalyq tsıkl pánderi boıynsha respýblıkalyq Prezıdenttik olımpıadanyń altyn medalin jeńip aldy. Al 5-synyp oqýshysy Zákir Jeksenov matematıka páni boıynsha respýblıkalyq olımpıadanyń qola júldesine ilikti.

«Evgenııa Valerevna meniń ulymnyń matematıka pániniń muǵalimi. Men oǵan balamnyń búkil oqý barysynda sabaqtarǵa yntamen qatysqany, oqý materıalyn túsinikti ári qyzyqty jetkizgeni, ár sabaqta meıirimdi jáne jaıly atmosfera ornata bilgeni úshin alǵys bildiremin. Muǵalim balalar úshin qıynǵa soǵatyn kúrdeli esepterdi jaqsy túsindiredi, oqý jáne sabaqtan tys ýaqytta suraqtar qoıýǵa múmkindik beredi, ol árqashan kómek qolyn sozýǵa daıyn», – deıdi 11 synyp oqýshysynyń anasy Irına Belıantseva.

Óz kezeginde Zákir Jeksenevtiń anasy beınesabaqtar taqyryptardy ıgerýge ǵana emes, sonymen qatar ártúrli baıqaýlarǵa daıyndalýǵa da kómektesetinin atap ótti.

«Materıaldy qarapaıym, jeńil tilmen ári qysqasha jetkizý sportshylarǵa, jarystarǵa qatysýshylarǵa, aýrýǵa shaldyqqan balalarǵa úıde otyryp taqyrypty durys túsinýge úlken sep boldy. Olımpıada taqyryptary boıynsha beıne túsiniktemeler túrli baıqaýlarǵa daıyndalýǵa múmkindik beredi. Bizdiń balalarymyz úshin onlaın-formatta olımpıadalarǵa daıyndyq sabaqtary ótkiziledi», – deıdi 5 synyp oqýshysynyń anasy Natalıa Skýratova.

Atap aıtqanda, qlaǵatty ustaz aldaǵy ýaqytta óz blogyn jetildirip, áriptesterimen jelilik baılanysty jalǵastyrýdy kózdeıdi.


Joǵary qaraı