Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da maral atqan eki brakoner ustaldy

2021 jyldyń 12 qazan 2021 23:30

ÓSKEMEN. QazAqparat – Shyǵys Qazaqstan oblysy Kókpekti aýdanynda maral atqan brakonerler ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Kókpekti aýdanynyń tabıǵat qorǵaý polıtsııasy 31 jastaǵy er adam tizgindegen «VAZ» avtokóligin toqtatty. Tekserý barysynda salonnan maral eti men múıizi, 7,62 mm kalıbrli «Vepr-308» karabıni, 10 patrony bar magazın, pyshaq pen balta tabyldy.

«Belgili bolǵandaı, azamat dosymen birge Qalba jotasyna jabaıy qaban aýlaýǵa barǵan. Alaıda qaban kezdespegendikten olar kelesi kúni úıge qaıtýǵa bel býdy. Biraq qaıtar jolda maraldy baıqap, atyp alǵan. Sodan keıin etti 9 qapqa bólshektep, kóliktiń júk tıegishine saldy», - dedi oblystyq PD bastyǵy Saǵat Mádıev.

Qazirgi ýaqytta atalǵan fakti boıynsha QR QK-niń 337-baby 1-bóligine sáıkes sotqa deıingi tergeý amaldary júrgizilýde.





Joǵary qaraı