Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da qys túskeli beri 64 ret jol jabyldy

2022 jyldyń 19 qańtar 2022 04:36

ÓSKEMEN. QazAqparat – Shyǵys Qazaqstan oblysynda qys bastalǵaly beri 64 ret jol jabyldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qys túskeli beri óńir aýmaǵynda 41 daýyldy eskertý jarııalanyp, oblys joldary 64 ret jabylǵan. Joldar boıynda qar kóshkininiń júrýine jol bermeý maqsatynda «Qazseldenqorǵaý» mekemesiniń mamandary 25 ret profılaktıkalyq jarylys júrgizip, 19860 tekshe metr qar túsirdi.

Kóktem kezinde sý tasqynyna saqadaı daıyn bolý úshin, qazirden bastap jergilikti atqarýshy organdar men «Qazgıdromet» RMK jáne TJD mamandary qar jamylǵysynyń mólsheri men topyraqtyń qatý tereńdigine monıtorıng júrgizýde.

«Búginde oblystyń 8 aýdanynda jerdiń tońy 50 sm-den asqany baıqalady. Atap aıtqanda, Besqaraǵaı, Katonqaraǵaı, Tarbaǵataı, Kókpekti, Borodýlıha, Ulan, Zaısan jáne Abaı aýdandary. Oblystyń qalǵan aımaqtarynda 6-dan 49 sm-ge deıingi aralyqta», - dedi departament bastyǵy Erlan Nurpeıisov.

Sonymen qatar atalǵan aýdandardaǵy qar jamylǵysynyń ortasha bıiktigi 30 sm-den aspaıdy. Qardyń eń kóp mólsheri Altaı aýdanynda (70 sm), eń azy Kýrchatov qalasynda tirkelgen.

Joǵary qaraı