Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da qutqarýshylardyń 80 paıyzdan astamy revaktsınatsııa jasady

2022 jyldyń 25 qańtar 2022 21:58

ÓSKEMEN. QazAqparat – Shyǵys Qazaqstan oblysynda qutqarýshylardyń 80 paıyzdan astamy koronavırýsqa qarsy revaktsınatsııadan ótti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar belsendi túrde COVID-19 ınfektsııasyna qarsy revaktsınatsııadan ótip jatyr.

«Órt sóndirýshiler men qutqarýshylar halyqpen jıi baılanysyp, únemi apattyq-qutqarý jumystary men órtterge shyǵady. Ótken jyly TJD qyzmetkerleri 7000-nan astam ret túrli kómekke attandy. Olardyń jeke quramy júz paıyz vaktsına alǵan», - delingen aqparatta.




Qazir revaktsınatsııalaý naýqany júrgizilýde. Búginde departament qyzmetkerleriniń 80%-dan astamy revaktsınatsııadan ótti.

«Revaktsınatsııa – ujymdyq ımmýnıtetti qalyptastyryp, aýrýdyń taralýyn azaıtady. Úshinshi komponentti saldyrar aldynda árbir qyzmetker qajetti derekterdi toltyryp, saýalnamadan, dárigerdiń qaraýynan ótýde. Sonyń negizinde qarsy kórsetilimderdiń bolý-bolmaýy anyqtalady», - dedi oblystyq TJD bastyǵy Erlan Nurpeıisov.



Joǵary qaraı