Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da kóterme-taratý ortalyǵynyń qurylysy azyq-túlik qaýipsizdigi máselesin sheshedi

2022 jyldyń 26 qańtar 2022 21:49

ÓSKEMEN. QazAqparat – Shyǵys Qazaqstan oblysynda kóterme-taratý ortalyǵynyń qurylysy azyq-túlik qaýipsizdigi máselesin sheshedi, dep habarlaıdy QazAqparat tilshisi.

ShQO ákimdiginiń málimetine súıensek, óńirde azyq-túlik qaýipsizdigi men ınflıatsııa deńgeıin turaqtandyrý máseleleri basty nazarda. Osy rette, qurylysy bastalǵan kóterme-taratý ortalyǵynyń mańyzy zor.

«Altaı» kóterme-taratý ortalyǵy 2023 jyly salynyp bitedi. Ol shaǵyn jáne orta bıznes ókilderi úshin deldalsyz saýdaǵa qoljetimdilikti qamtamasyz etedi.

Jalpy, aýyl sharýashylyǵymen aınalysatyndardy qoldaý agroónerkásiptik keshendi damytýdyń memlekettik baǵdarlamasy sheńberinde júzege asyrylýda. Bir jylda Shyǵys Qazaqstanda 33 mlrd teńgege jýyq sýbsıdııa bólindi. Onyń ishinde ósimdik sharýashylyǵyn damytýdy sýbsıdııalaýǵa – 5,6 mlrd teńge, mal sharýashylyǵyna – 13,6 mlrd teńge, qaıta óńdeý salasyna – 515,5 mln teńge jumyldyrylǵan», - delingen aqparatta.

Sonyń nátıjesinde, «Semey qus» qus fabrıkasy 1, 2 jáne 3 sanattaǵy taýarlyq jumyrtqa óndirisin bastady. Josparlanǵan eki iri maı ekstraktsııalyq zaýyttardyń ishinen qýaty 300 myń tonna «QazaqAstyqGroup» JShS paıdalanýǵa berildi. Jobalardy iske qosý maı-tuqymdaryn óńdeý kólemin jylyna 600 myń tonnaǵa, al tolyq qýatqa shyqqannan keıin 1 mln tonnaǵa deıin ulǵaıtýǵa múmkindik beredi.


Joǵary qaraı