ShQO-da koronavırýspen aýyrǵandar óliminiń negizgi sebebi aıtyldy
ÓSKEMEN. QazAqparat – ShQO Densaýlyq saqtaý basqarmasy basshysynyń orynbasary Vladımır Lı baspasóz konferentsııasynda koronavırýspen aýyratyn naýqastardyń óliminiń negizgi sebepterin aıtty, dep habarlaıdy QazAqparat ákimdikke silteme jasap.
Onyń aıtýynsha, qaıǵyly jaǵdaı kóbinese qosalqy aýrýlardyń saldarynan oryn alady.
«Negizinen bul qant dıabeti, arterııalyq gıpertonııa, júrektiń ıshemııalyq aýrýy, ókpeniń sozylmaly obstrýktıvti aýrýy. Árıne, basqa aýrýlar da koronavırýstyq ınfektsııa juqtyrǵan naýqastardyń jaǵdaıyn aýyrlatady. Ókinishke oraı, egde jastaǵy naýqastar jıi aýyrady jáne onyń sońy qaıǵyly jaǵdaımen aıaqtalady», – dedi Vladımır Lı.
