ShQO-da koronavırýs juqtyrǵan patsıentterge qandaı dáriler tegin beriledi
ÓSKEMEN. QazAqparat – Shyǵys Qazaqstan oblysynda juqpaly dertke shaldyqqan naýqastarǵa birqatar dári tegin beriledi, dep habarlaıdy QazAqparat tilshisi.
Bul týraly oblystyq Densaýlyq saqtaý basqarmasy basshysynyń orynbasary Dýman Berikuly málimdedi.
Onyń aıtýynsha, ambýlatorııada emdeletin koronavırýs juqtyrǵan jeńil dárejeli patsıentter dárigerdiń taǵaıyndaýy boıynsha paratsetamol jáne ıbýprofen sııaqty ystyqty túsiretin dárilerdi tegin alady.
«Al pnevmonııa tirkelgen, densaýlyq jaǵdaıy nasharlaýy yqtımal naýqastarǵa rıvaroksaban, apıksaban jáne dabıgatran sııaqty dárilik preparat tegin beriledi. Statsıonardaǵy patsıentter koronavırýs ınfektsııasyn emdeý hattamasyna sáıkes bıýdjet qarjysymen emdeledi», - deıdi Dýman Berikuly.
Esterińizge sala ketsek, osyǵan deıin Shyǵys Qazaqstanda naýqastarǵa 350 dozadan astam ımmýn plazmasy quıylǵany habarlanǵan.
