Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da kópbalaly otbasylarǵa úı alý úshin 2,2 mln teńgeden beriledi

2021 jyldyń 14 qyrkúıek 2021 14:45

ÓSKEMEN. QazAqparat – Shyǵys Qazaqstan oblysynda kópbalaly otbasylarǵa úı alý úshin alǵashqy jarna retinde 2 200 000 teńgeden beriledi, dep habarlaıdy QazAqparat tilshisi.

ShQO ákimi Danıal Ahmetov qala jáne aýdan ákimderimen, basqarma basshylarymen «Baqytty otbasy» baǵdarlamasyn iske asyrý jóninde keńes ótkizdi. ⠀

«Kópbalaly, tolyq emes otbasylar jáne múmkindigi shekteýli bala tárbıelep otyrǵan januıalar tıimdi sharttar arqyly jańa úı ala alady. Bastapqy jarna retinde 1,5 mıllıon teńgeniń sertıfıkaty beriledi. Buǵan qosa «Paryz» qorynan 700 myń teńgeden bólinedi. Bul «Birqabatty Shyǵys» baǵdarlamasy boıynsha salynǵan aýdany 70 sharshy metrdi quraıtyn páter qunynyń 22% paıyzy», - dedi aımaq basshysy.

Oblystyń jyljymaıtyn múlik naryǵynda qoldanystaǵy turǵyn úıdiń sharshy metri – 280 myń teńgeden, al jańa páter sharshy metriniń – 340 myń teńgege deıin barady.

«Munyń janynda bizdiń usynyp otyrǵan jobamyz óte tıimdi ekeni anyq. Jeńildetilgen shartpen ár sharshy metr 160 myń teńgege baǵalanyp otyr. Búgingi tańda «Baqytty otbasy» baǵdarlamasyna qatysýǵa 1860 ótinim túsip, onyń 250-i maquldandy. Ókinishke qaraı, jergilikti jerlerdegi ákimder baǵdarlamanyń artyqshylyqtaryn durys túsindirmeıdi. Bastapqy jarna retinde páter qunynyń 22%-y tólenetinin, daıyn úıge kire salýǵa bolatynyn, nesıe sharttarynyń ereksheligin jáne úı janynda jeke jer ýchaskesi bolatynyn kópshilik bilmeıdi. Bul jumysty kúsheıtý qajet. Otbasylardyń sanyn eseptep qana qoımaı, olardyń árqaısysymen sóılesý kerek», - dedi Danıal Ahmetov.



Joǵary qaraı