Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da kópbalaly otbasylar úıdi naryqtaǵy baǵadan eki ese arzanǵa ala alady

2021 jyldyń 22 qyrkúıek 2021 05:23

ÓSKEMEN. QazAqparat – Shyǵys Qazaqstan oblysynda kópbalaly otbasylar «Birqabatty Shyǵys» baǵdarlamasy aıasynda úıdi naryqtaǵy baǵadan eki ese arzanǵa ala alady, dep habarlaıdy QazAqparat tilshisi.

Aımaq basshysy Danıal Ahmetov qala, aýdan ákimderimen, jumyspen qamtý jáne áleýmettik baǵdarlamalardy úılestirý basqarmasynyń basshylyǵymen, «Baqytty otbasy» baǵdarlamasy boıynsha jumys isteıtin bank ókilderimen kezekti jıyn ótkizdi.

«Kópbalaly, tolyq emes otbasylarǵa jáne múmkindigi shekteýli balalary bar januıalarǵa úı alý úshin 2,2 mln teńge mólsherinde kómek kórsetiledi. Biraq mundaı jeńildik tek «Birqabatty Shyǵys» baǵdarlamasy arqyly úı alatyn otbasylarǵa ǵana jasalady. 2,2 mln teńge – bul páter qunynyń 25 paıyzyn quraıdy. Óıtkeni mundaı turǵyn úıdiń sharshy metriniń baǵasy - 160 myń teńge. Bul kommertsııalyq naryqtaǵy baspana qunynan eki ese tómen», - dedi oblys ákimi.

Onyń aıtýynsha, búginde atalǵan sanattaǵy 104 otbasy baǵdarlamaǵa qatysýǵa nıet bildirgen.

«Taldaý kórsetkendeı, azamattardyń basym kópshiligi eski úılerden páter alǵysy keledi. Biraq «Birqabatty Shyǵys» baǵdarlamasy boıynsha salynǵan ekipáterli úılerde barlyq jaǵdaı jasalǵanyn atap ótkim keledi. Ár úıdiń 6-10 sottyqqa deıingi qosymsha jer ýchaskesi bar», - dedi Danıal Ahmetov.


Joǵary qaraı