ShQO-da kóktaıǵaq saldarynan birinshi aýysymdaǵy oqýshylar onlaın oqıdy
ÓSKEMEN. QazAqparat – Shyǵys Qazaqstan oblysyndaǵy birneshe qala, aýdanda kóktaıǵaqqa baılanysty 1-aýysymdaǵy oqýshylar onlaın oqıdy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 17 qańtarda aýa raıynyń nasharlaýyna, naqty aıtqanda kóktaıǵaqqa baılanysty keıbir qala, aýdanda birinshi aýysymdaǵy oqýshylar onlaın formatta oqıtyn boldy.
«Semeı, Kýrchatov qalalarynda jáne Shemonaıha, Borodýlıha aýdandarynda birinshi aýysymdaǵy 0-11 synyptar búgin qashyqtan bilim alady», - dep habarlady vedomstvo ókilderi.
Esterińizge sala ketsek, osyǵan deıin Shyǵys Qazaqstan oblysynda aýa raıy qolaısyzdyǵyna baılanysty birqatar tasjol jabylǵandyǵy habarlanǵan.
