Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da kelesi jyly 6 mektep boı kóteredi

2021 jyldyń 15 qyrkúıek 2021 17:32

ÓSKEMEN. QazAqparat – Shyǵys Qazaqstan oblysynda 2022 jyly 6 mektep salynady, dep habarlaıdy QazAqparat tilshisi.

Bul jaıly aımaq basshysy Danıal Ahmetov qala jáne aýdan ákimderimen ótken jınalys barysynda aıtty.

«2022-2023 jyldary turǵyn úı qurylysynyń naqty qalaı júrgiziletindigin aıqyndaýymyz qajet. Áleýmettik jáne kommertsııalyq turǵyn úıler salatyn kompanııalardy birge jumys isteýge shaqyrýdamyz. Bir aı merzimde ákimderge qurylysqa arnalǵan ýchaskeler týraly jáne barlyq qajetti ınjenerlik jelilerdi júrgizý úshin bıýdjetten qansha qarajat bólý kerektigi týraly aqparat daıyndaýdy tapsyramyn», - dedi ol.

Bıyl Óskemende 23 kóppáterli úı salynýda. Onyń ishindegi 15 úıdiń qurylysy 2022 jyly aıaqtalady. Rıdder men Shemonaıhada 60 páterlik úıdiń qurylysy bitýge jaqyn. Sondaı-aq Úrjar men Zaısan aýdandarynda «Birqabatty Shyǵys» baǵdarlamasy aıasynda qurylys belsendi júrip jatyr. Kelesi jylǵa jobalyq-smetalyq qujattama ázirlenýde.

«Prezıdent Qasym-Jomart Toqaevtyń elimizde 1000 jańa mektep salý týraly tapsyrmasyna sáıkes, ár qala, aýdanda bilim berý mekemelerine degen qajettiliktiń bar-joǵyn anyqtaý qajet. Birinshi kezekte 1950 jyly samannan qalanǵan mektepter men ǵımarattardy aýystyramyz. Osyǵan deıin oń nátıje bergen jobalardy qoldana otyryp, keler jyly 6 mektep, 2023 jyly 15 mektep salýdy josparlap otyrmyz», - dedi Danıal Ahmetov.


Joǵary qaraı