Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da qaıyqpen jaǵaǵa jete almaı qalǵan 3 adam qutqaryldy

2021 jyldyń 14 qazan 2021 23:34

ÓSKEMEN. QazAqparat – Shyǵys Qazaqstan oblysy Altaı aýdanynda 3 adam qaıyq motory óship qalyp, jaǵaǵa jete almaǵan, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar Altaı aýdanyndaǵy Ertis ózeninde jaǵaǵa jete almaı qalǵan 3 adamǵa kómekke keldi.

«Mohnatka taýynyń janynda qaıyqpen júrgen azamattar jaǵalaýǵa óz betinshe jete almaı, kómek suraǵan. Oqıǵa ornyna departament qyzmetkerleri jedel túrde motorly qaıyqpen kelip jetti. Kóp uzamaı olardy jaǵaǵa súırep apardy. Úsheýine de medıtsınalyq kómek qajet bolǵan joq. Belgili bolǵandaı, saıahatshylardyń qaıyq motory óship qalǵan», - dep habarlady vedomstvo ókilderi.

Osy rette TJD mamandary óńir jurtshylyǵyna túngi ýaqytta qaıyqpen sýǵa shyqpaý qajettigin eskertedi.





Joǵary qaraı