Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da qatty jel mádenıet úıiniń shatyryn ushyryp áketti

2020 jyldyń 28 qazan 2020 15:41

ÓSKEMEN. QazAqparat – Shyǵys Qazaqstan oblysy Kúrshim aýdanynda qatty jel mádenıet úıiniń shatyryn ushyryp áketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Alǵabas aýylynda sekýndyna 19 metrge jetetin qatty jeldiń saldarynan jalpy aýdany 70 sharshy metrdi quraıtyn mádenıet úıi ǵımaratynyń shatyry zaqymdanǵan.

«Zardap shekken eshkim joq. Oqıǵa ornynda jergilikti atqarýshy organ ókilderinen quralǵan komıssııa jumys istep jatyr» dep habarlady vedomstvo ókilderi.

Osy rette TJD turǵyndardy saq bolýǵa, úlken aǵashtardyń astynda turmaýǵa jáne avtokólik qoımaýǵa shaqyrady.

Sondaı-aq bılbordtardan jáne basqa da aspaly qurylymdardan, elektr jelilerinen múmkindiginshe alys bolǵan jón.

Esterińizge sala ketsek, keshe qatty jel Kókpekti aýdanyndaǵy mektep shatyryn ushyryp jibergen bolatyn.


Joǵary qaraı