Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da kásipkerden 30 mln teńge bopsalaǵan qylmystyq top múshesi ustaldy

2021 jyldyń 22 qazan 2021 13:01

ÓSKEMEN. QazAqparat – Shyǵys Qazaqstan oblysynda kásipkerden 30 mln teńge bopsalaǵan qylmystyq top múshesi ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary aqsha bopsalaýmen aınalysqan uıymdasqan qylmystyq toptyń jolyn kesý maqsatynda arnaıy operatsııa ótkizdi.

«Jedel ýákilderge buǵan deıin birneshe márte sottalǵan Óskemen qalasynyń 31 jastaǵy turǵyny qyrkúıek aıynda sharýa qojalyǵynyń ıesin qorqytyp, 30 mln teńge bopsalaǵany týraly aqparat kelip tústi. Shara barysynda kúdikti qojalyq aýmaǵynda aqshany alyp jatqan sátinde ustaldy. Tintý barysynda onyń zańsyz áreketterin rastaıtyn zattaı dáleldemeler alyndy», - dedi departament bastyǵynyń orynbasary Talǵat Shaıahmetov.




Qazirgi ýaqytta kúdikti sot sanktsııasymen qamaýǵa alyndy. QR QK-niń 194-baby 4-bóligi boıynsha tergeý amaldary bastaldy. Oǵan 7 jyldan 15 jylǵa deıin bas bostandyǵynan aıyrý jazasy taǵaıyndalýy múmkin.





Joǵary qaraı