Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da iPhone alý úshin mal urlaǵan eki jigit 5 jylǵa túrmege qamaldy

2021 jyldyń 21 qyrkúıek 2021 09:26

ÓSKEMEN. QazAqparat – Shyǵys Qazaqstan oblysynda iPhone alý úshin mal urlaǵan 20 jastaǵy eki jigit túrmege qamaldy, dep habarlaıdy QazAqparat tilshisi.

ShQO QAJ departamenti baspasóz qyzmetiniń málimetine súıensek, er adamdar urlyq jasaý úshin aldyn ala sóz baılasqan. Olardyń qylmysqa barýlaryna qymbat uıaly telefon alýǵa aqshalarynyń jetpeýi sebep bolǵan.

Sóıtip ekeýi erkin jaıylymnan birneshe bas usaq maldy urlap ketken. Sot úkimimen 5 jylǵa bas bostandyqtarynan aıyrylǵan jigitter OV-156/1 túzetý mekemesinde óz jazalaryn óteýde.

«Sońǵy ýaqytta jastar arasynda mal urlyǵy beleń aldy. Urlanǵan malǵa chıp qoıylǵan bolsa, ony tabý op-ońaı. Al qylmys jasaǵan azamat qatań jaýapkershilikke tartylady. Naqtyraq aıtsaq, QR Qylmystyq Kodeksine sáıkes 12 jylǵa deıin bas bostandyǵynan aıyrylýy múmkin», - dedi OV 156/1 mekemesi jedel bóliminiń bastyǵy Maqsat Baqatbaev.


Joǵary qaraı