Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da ınvestorlar esebinen 735 úı salynyp jatyr

2022 jyldyń 26 qańtar 2022 14:59

ÓSKEMEN. QazAqparat – Shyǵys Qazaqstan oblysynda ınvestorlar esebinen birqabatty 735 úı salynýda, dep habarlaıdy QazAqparat tilshisi.

ShQO ákimdiginiń málimetine súıensek, oblysta jyl kóleminde 280 mlrd teńgege 1,4 mln sharshy metr turǵyn úı salynǵan. Qazirgi ýaqytta onyń 602,8 sharshy metri paıdalanýǵa berildi.

«Óńirde jeke ınvestıtsııalardy tartý esebinen kommertsııalyq turǵyn úı salý tetigi ázirlendi. Qurylys salýshylar 479 myń sharshy metrge 82 kommertsııalyq úıdiń qurylysyn júrgizdi. Olarǵa ınjenerlik ınfraqurylymy bar jobalar men jer ýchaskeleri berildi», - delingen aqparatta.

Sonymen qatar aımaqta «Birqabatty Shyǵys» baǵdarlamasy júzege asyrylýda. Onyń aıasynda memlekettik qarajat esebinen jeke turǵyn úılerge ınjenerlik kommýnıkatsııalar júrgizilýde.

«Jeke ınvestorlardyń jer úı salý qarqyny edáýir artty. Olar 16 mlrd teńgege birqabatty 735 úı salýda. Budan bólek, Óskemende 12 qabatty tórt jáne 16 qabatty bes turǵyn úı salyndy. Semeıde kópqabatty 15 úı boı kóterse, Zaısan qalasynda 60 páterli turǵyn úı salynýda. Barlyq úılerge ınjenerlik-kommýnıkatsııalyq ınfraqurylym, onyń ishinde syrtqy sý qubyry, káriz jáne jylýmen jabdyqtaý jelileri tartylǵan», - delingen málimette.


Joǵary qaraı