Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da Ilıa Ilın atyndaǵy aýyr atletıka mektebin ashý josparlanyp otyr

2021 jyldyń 13 qazan 2021 16:23

ÓSKEMEN. QazAqparat – Shyǵys Qazaqstan oblysynda Ilıa Ilın atyndaǵy aýyr atletıka mektebin ashý josparlanyp otyr, dep habarlaıdy QazAqparat tilshisi.

Bul jaıly aımaq basshysy Danıal Ahmetov Facebook jelisindegi jeke paraqshasynda jazdy.

«Aýyr atletıkadan Olımpıada oıyndarynyń chempıony jáne ózge de jarystarda úzdikter qatarynan kóringen ziltemirshi Ilıa Ilınmen kezdestim. Úsh túrli salmaq dárejesinde tórt dúrkin álem chempıony atanǵan Ilıa serpe kóterýde álemdik rekordty da jańartqan. Ol jaı sportshy ǵana emes, adamı bolmysy men tulǵalyq qasıeti ózara úndesken adam», - dedi ol.

Qazirgi tańda Ilıa Ilın Qyzylorda qalasyndaǵy «Muz» saraıyn basqarady. Onyń aýyr atletıka mektepterin ashý jaıly úlken josparlary bar.

«Kezdesýde Shyǵys Qazaqstanda Ilıa Ilın atyndaǵy mektepti ashý múmkindigin talqyladyq. Bizdiń sportshylar ártúrli álemdik jarystarda ózderin osy sport túrinde óte jaqsy kórsetedi. Óıtkeni aýyr atletıka - tek qana alyp dene men kúshti ǵana emes, rýhanı myqtylyqty da talap etedi. Sondaı-aq aýyr atletimiz Denıs Ýlanovty qalpyna keltirý, ońaltý jáne úlken sportqa qaıtarý týraly taqyrypta sóz qozǵadyq. Ilıa jýyqta Azııa chempıony atanǵan oblysymyzdyń «Altaı» klýbynyń voleıbolshylaryna rıza ekendigin de jetkizdi», - dedi oblys ákimi.


Joǵary qaraı