Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da etti qaryzǵa beremin dep aldanǵan satýshy 2 mln teńge jýyq shyǵynǵa batty

2021 jyldyń 13 qyrkúıek 2021 03:00

ÓSKEMEN. QazAqparat – Shyǵys Qazaqstan oblysynda etti qaryzǵa beremin dep aldanyp qalǵan azamat 1 845 000 teńgege shyǵynǵa batqan, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Ulan aýdany Qasym Qaısenov kentiniń turǵyny «102» jedel arnasyna qońyraý shalǵan. Et saýdasymen aınalysatynyn aıtqan ol 2021 jyldyń qańtarynan bastap Óskemende dúkeni bar áıelge et satyp kelgenin jetkizdi.

«Belgili bolǵandaı, áıel adam ettiń jarty somasyn qaryzǵa alyp otyrǵan. Osylaısha, qańtar-sáýir aılary aralyǵynda onyń qaryzy 1 845 000 teńgege jetti. Tártip saqshylary dúken ıesin taýyp, bólimshege jetkizdi. Ol óz kinásin tolyqtaı moıyndap otyr», - delingen aqparatta.

Qazirgi ýaqytta atalǵan fakti boıynsha QR Qylmystyq Kodeksiniń 190-baby 1-bóligine sáıkes sotqa deıingi tergeý amaldary júrgizilýde.


Joǵary qaraı