Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da dúken sórelerindegi oıynshyqtar quramynan qaýipti zattar tabyldy

2022 jyldyń 25 qańtar 2022 02:45

ÓSKEMEN. QazAqparat – Shyǵys Qazaqstan oblysynda dúkenderde satylatyn oıynshyqtar quramynan qaýipti zattar tabyldy, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, halyq tutynatyn taýarlardyń qaýipsizdigin tekserý maqsatynda 1491 ónim synamasyna tekserý júrgizildi.

«Bul ónimderdiń 52,7%-y EAEO-ǵa múshe memleketterden, 26,1%-y alys jáne jaqyn shetelderden ákelinse, 21,2%-yn otandyq óndirýshiler jasaǵan. Ónim synamalarynyń 23,1%-y Keden odaǵynyń tehnıkalyq reglamentteriniń talaptaryna sáıkes kelmeıtindigi anyqtaldy. Sáıkes emes dep tanylǵan ónimniń basym kópshiligi, ıaǵnı 90,7%-y ımporttyq bolsa, qalǵan 9,3%-y otandyq óndiriske tıesili», - delingen aqparatta.

Balalar oıynshyqtaryn zertteý nátıjeleri boıynsha 7 synamada tańbalaýdyń buzylýy jáne fenol, formaldegıd syndy qaýipti zattardyń bir jarym-eki ese artyq bolýy tirkeldi. Bul balalardyń ýlaný qaýpin týdyrýy múmkin. Onyń ishinde Qytaıda jáne Ózbekstanda jasalǵan oıynshyq kólikter bar.



Joǵary qaraı