Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da bıyl jastar men muqtaj jandarǵa kásip ashý úshin 23 grant berildi

2022 jyldyń 26 mamyr 2022 02:15

ÓSKEMEN. QazAqparat – Shyǵys Qazaqstan oblysynda osy jyldyń basynan beri jastar men muqtaj jandarǵa kásip ashýǵa 23 grant berildi, dep habarlaıdy QazAqparat tilshisi.

Bul jaıly aqparat ortalyǵynda ótken baspasóz máslıhaty barysynda ShQO jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Doshan Qaıyrǵazınov aıtyp berdi.

«2021-2025 jyldarǵa arnalǵan kásipkerlikti damytý jónindegi ulttyq joba aıasynda beriletin memlekettik grant mólsheri 2 esege, naqty aıtqanda 612 600 teńgeden 1 225 200 teńgege ulǵaıyp otyr. Alaıda endi tek jastar, az qamtylǵan jáne kópbalaly otbasylar, múgedektigi bar jandar ǵana grantqa úmitker bola alady. Grant alý úshin Busines.enbek - kásipkerlik bastamalardy qoldaý portaly arqyly ótishin berý qajet», - dedi ol.

Jyl basynan beri óńir boıynsha 28,2 mln teńge somasyna 23 grant berildi. Onyń ishinde 6 grant – jastarǵa, 1 – AÁK alýshyǵa, 1 – múgedektigi bar adamǵa, 15 – kópbalaly otbasylarǵa berilip otyr.

«Budan bólek, ulttyq jobanyń «Kásipkerlerdiń qajettilikterine qaraı daǵdylardy damytý» baǵyty boıynsha 2022 jyly 1415 adamdy eńbek naryǵynda suranysqa ıe mamandyqtarǵa qatysty kásiptik oqytýmen qamtý kózdelip otyr. 6711 adamdy sýbsıdııalanatyn jumysqa ornalastyrý, onyń ishinde jastar is-tájirıbesimen 714 adamdy qamtý josparlanǵan», - dedi Doshan Qaıyrǵazınov.

Esterińizge sala ketsek, osyǵan deıin Óskemen men Semeıde bıyl 60 myń tal otyrǵyzylatynyn habarlaǵan edik.



Joǵary qaraı