Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bıyl turmysy tómen jáne kópbalaly 1125 otbasy baspanaly bolady

2021 jyldyń 21 qazan 2021 10:57

ÓSKEMEN. QazAqparat – Shyǵys Qazaqstan oblysynda jyl sońyna deıin turmysy tómen jáne kópbalaly 1125 otbasy baspanaly bolady, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, óńirde halyqtyń áleýmettik osal toptaryn qoldaýdyń keshendi baǵdarlamasy júzege asýda. Birinshi kezekte bul kópbalaly jáne turmysy tómen otbasylarǵa qatysty.

Aımaq basshysy Danıal Ahmetovtyń aıtýynsha, salynyp jatqan jáne paıdalanýǵa berilgen turǵyn úılerdi kóbeıtý arqyly páter kezeginde turǵandardyń sany edáýir azaıtylmaq.

«Tek ótken jyldyń ózinde 1000-nan astam turmysy tómen jáne kópbalaly otbasylar óz baspanalarynyń kiltin alǵan. 2021 jyldyń aıaǵyna deıin bul san taǵy 1125-ke artady. Osy rette, mańyzdy jobalardyń biri – Semeıdegi Qaraǵaıly shaǵynaýdany boldy. Munda eki júzden astam otbasy páter alǵan. Sondaı-aq Óskemende kópbalaly otbasylarǵa arnalǵan turǵyn úıler salynyp jatyr. Aýdandarda az qamtylǵan analar baspanadan bólek, mal ustaýǵa, baý-baqsha ósirýge jáne jerdi maqsatyna saı paıdalanýǵa bolatyn jeke ýchaskeler alýda. 2022 jylǵa qaraı bul sanattaǵylardyń baspana kezegin tolyqtaı joıý josparlanyp otyr», - dedi oblys ákimi.

Kópbalaly otbasylarǵa arnalǵan turǵyn úı qurylysy birneshe qarjylandyrý kózderinen júzege asyrylady. Atap aıtqanda, memlekettik turǵyn úı qory, bıýdjetten tys qarajat jáne demeýshiler qoldaýy.


Joǵary qaraı